Кіраўнік дзяржавы асабліва падкрэсліў вялікую зацікаўленасць у перамяшчэнні праз Беларусь тавараў у напрамку Еўропы з краін Азіяцка-Ціхаакіянскага рэгіёна.
"У гэтым плане мы поўнасцю падтрымалі ініцыятыву старшыні КНР аб стварэнні эканамічнага пояса Шаўковага шляху, - заявіў Аляксандр Лукашэнка. - Фарміруем у сябе буйныя лагістычныя цэнтры, у стварэнні якіх зацікаўлены не толькі КНР, Беларусь, нашы блізкія суседзі, але і аддаленыя краіны, што знаходзяцца на гэтым транспартным шляху".
На думку Прэзідэнта, канкурэнтаздольнасць у міжнародным гандлі ў многім залежыць не толькі ад якасці тавараў, цаны і ўмення гандляваць, але і ў пэўнай ступені ад хуткасці мытных працэдур у экспарце і імпарце.
"Гэта ў немалой ступені ўплывае на транзітную прывабнасць краіны, нарошчванне тавараабароту, а значыць і на напаўненне нацыянальнага бюджэту, на стварэнне новых рабочых месц, - упэўнены кіраўнік дзяржавы. - У гэтым сэнсе заслугоўвае ўвагі шэраг ініцыятыў беларускіх мытнікаў. Адна з іх - заснаванне інстытута ўпаўнаважанага эканамічнага аператара. У яго аснове работа на даверы да прадпрымальнікаў, якія пацвердзілі і гарантуюць сваю прыстойнасць вядзення бізнесу працяглы перыяд. Другая ініцыятыва - маштабнае прымяненне інфармацыйных тэхналогій".
Прэзідэнт звярнуў увагу, што сёння становіцца відавочным: пытанні эфектыўнага абслугоўвання таварапатоку, узаемадзеяння мытні і бізнесу, супрацоўніцтва службаў на граніцы, праваахоўнай дзейнасці не могуць заставацца ў рамках адной дзяржавы і пры гэтым быць эфектыўнымі.
Кіраўнік дзяржавы выказаў упэўненасць што прынятыя ў ходзе 64-га пасяджэння Савета кіраўнікоў мытных службаў краін СНД рашэнні будуць садзейнічаць пашырэнню інтэграцыі і далейшаму развіццю эканомік краін СНД.
Аляксандр Лукашэнка таксама запэўніў: "Вы можаце поўнасцю разлічваць на нас не толькі ў час гэтага пасяджэння, але і ў далейшай сваёй прафесійнай дзейнасці. Мы заўсёды з дабрынёй, увагай ставімся не толькі да суседзяў, але і да любой дзяржавы. Гэта ўжо імідж Беларусі. Але гэта важна для нас і з прагматычнага пункту гледжання, таму што мы - транзітная дзяржава, і для нас важна супрацоўнічаць з усімі вамі, нашымі бліжэйшымі суседзямі, перш за ўсё з краінамі, з якімі мы жылі ў адной дзяржаве і цяпер з імі гандлюем".
Прэзідэнт акцэнтаваў увагу, што самае галоўнае - гэта менталітэт беларускага народа. "Мы гатовы дапамагчы ў любой справе любой дзяржаве, любому народу, але калі гэта не супярэчыць нашым уласным інтарэсам", - сказаў кіраўнік дзяржавы. Аляксандр Лукашэнка падзякаваў кіраўнікам мытных службаў за тое, што яны прыехалі ў Беларусь, і выказаў меркаванне, што яны змогуць шмат убачыць у Беларусі, а беларускі бок - у сваю чаргу запазычыць іх вопыт.
15 верасня 2016, Мінск
Аліна Грышкевіч - БЕЛТА
"У гэтым плане мы поўнасцю падтрымалі ініцыятыву старшыні КНР аб стварэнні эканамічнага пояса Шаўковага шляху, - заявіў Аляксандр Лукашэнка. - Фарміруем у сябе буйныя лагістычныя цэнтры, у стварэнні якіх зацікаўлены не толькі КНР, Беларусь, нашы блізкія суседзі, але і аддаленыя краіны, што знаходзяцца на гэтым транспартным шляху".
На думку Прэзідэнта, канкурэнтаздольнасць у міжнародным гандлі ў многім залежыць не толькі ад якасці тавараў, цаны і ўмення гандляваць, але і ў пэўнай ступені ад хуткасці мытных працэдур у экспарце і імпарце.
"Гэта ў немалой ступені ўплывае на транзітную прывабнасць краіны, нарошчванне тавараабароту, а значыць і на напаўненне нацыянальнага бюджэту, на стварэнне новых рабочых месц, - упэўнены кіраўнік дзяржавы. - У гэтым сэнсе заслугоўвае ўвагі шэраг ініцыятыў беларускіх мытнікаў. Адна з іх - заснаванне інстытута ўпаўнаважанага эканамічнага аператара. У яго аснове работа на даверы да прадпрымальнікаў, якія пацвердзілі і гарантуюць сваю прыстойнасць вядзення бізнесу працяглы перыяд. Другая ініцыятыва - маштабнае прымяненне інфармацыйных тэхналогій".
Прэзідэнт звярнуў увагу, што сёння становіцца відавочным: пытанні эфектыўнага абслугоўвання таварапатоку, узаемадзеяння мытні і бізнесу, супрацоўніцтва службаў на граніцы, праваахоўнай дзейнасці не могуць заставацца ў рамках адной дзяржавы і пры гэтым быць эфектыўнымі.
Кіраўнік дзяржавы выказаў упэўненасць што прынятыя ў ходзе 64-га пасяджэння Савета кіраўнікоў мытных службаў краін СНД рашэнні будуць садзейнічаць пашырэнню інтэграцыі і далейшаму развіццю эканомік краін СНД.
Аляксандр Лукашэнка таксама запэўніў: "Вы можаце поўнасцю разлічваць на нас не толькі ў час гэтага пасяджэння, але і ў далейшай сваёй прафесійнай дзейнасці. Мы заўсёды з дабрынёй, увагай ставімся не толькі да суседзяў, але і да любой дзяржавы. Гэта ўжо імідж Беларусі. Але гэта важна для нас і з прагматычнага пункту гледжання, таму што мы - транзітная дзяржава, і для нас важна супрацоўнічаць з усімі вамі, нашымі бліжэйшымі суседзямі, перш за ўсё з краінамі, з якімі мы жылі ў адной дзяржаве і цяпер з імі гандлюем".
Прэзідэнт акцэнтаваў увагу, што самае галоўнае - гэта менталітэт беларускага народа. "Мы гатовы дапамагчы ў любой справе любой дзяржаве, любому народу, але калі гэта не супярэчыць нашым уласным інтарэсам", - сказаў кіраўнік дзяржавы. Аляксандр Лукашэнка падзякаваў кіраўнікам мытных службаў за тое, што яны прыехалі ў Беларусь, і выказаў меркаванне, што яны змогуць шмат убачыць у Беларусі, а беларускі бок - у сваю чаргу запазычыць іх вопыт.
15 верасня 2016, Мінск
Аліна Грышкевіч - БЕЛТА
