У гэтыя школьныя канікулы і святочныя дні Беларуская чыгунка назначыла дадатковыя паязды для перавозак пасажыраў у межах Беларусі, а таксама ў міжнародных зносінах.

У міжнародных зносінах назначаны тры пары дадатковых паяздоў, якія будуць курсіраваць з 24 кастрычніка па 9 лістапада: нумар 50/49 Брэст-Санкт-Пецярбург, нумар 78/77 Гродна-Масква, нумар 132/131 Брэст-Масква. Унутры краіны 4 лістапада назначаны дадатковыя паязды нумар 709/710 Гомель-Мінск-Гомель, нумар 638/637 Мінск-Гомель-Мінск.

Таксама назначаны дадатковыя паязды на 7 лістапада: нумар 713/714 Віцебск-Мінск-Віцебск, нумар 712/711 Брэст-Мінск-Брэст, нумар 709/710 Гомель-Мінск-Гомель, нумар 608 Брэст-Мінск, нумар 645/646 Віцебск-Магілёў-Віцебск, нумар 664 Брэст-Мінск.

Беларуская чыгунка з улікам пасажырапатоку прадоўжыць работу па назначэнні дадатковых паяздоў. Больш падрабязную інфармацыю аб назначаных дадатковых паяздах можна атрымаць на сайце БЧ, а таксама ў чыгуначных касах і па тэлефонах даведачных службаў.

7 кастрычніка 2016, Мінск
БЕЛТА