У розных судах Мінска 23 чэрвеня асуджаны 21 удзельнік акцыі маўклівага пратэсту "Рэвалюцыя праз сацыяльную сетку".
Як паведамляюць праваабаронцы, працэсы прайшлі ў судах Савецкага, Ленінскага, Фрунзенскага, Цэнтральнага раёнаў Мінска. Затрыманыя ўдзельнікі акцыі прызнаныя вінаватымі ў дробным хуліганстве паводле артыкула 17.1 КоАП і пакараныя рознымі штрафамі.
Так, у судзе Цэнтральнага раёна асуджаныя пяць чалавек, Партызанскага раёна — чатыры, Ленінскага раёна — двое ўдзельнікаў акцыі, Савецкага — дзесяць. Сумы штрафаў склалі ад дзвюх да трыццаці базавых велічынь (базавая велічыня — 35.000 рублёў).
Паводле звестак БелаПАН, некалькі затрыманых удзельнікаў учарашняй акцыі дастаўленыя таксама ў суд Маскоўскага раёна.
Сяргей Пульша,
БелаПАНМінск, 23 чэрвеня 2011
