Абвінавачаны прызнаны вінаватым у наўмысных дзеяннях, накіраваных на ўзбуджэнне сацыяльнай варожасці і варожасці па прыкмеце іншай сацыяльнай прыналежнасці.

Адбываць асноўнае пакаранне ён будзе ў калоніі агульнага рэжыму.

Як адзначала ў ходзе судовых спрэчак дзяржаўны абвінаваўца, здзейсненае злачынства ставіцца да злачынстваў супраць міру і бяспекі чалавецтва. На думку пракурора, мэты крымінальнай адказнасці, а менавіта выпраўленне асобы, якая ўчыніла злачынства, і папярэджанне здзяйснення іншага злачынства як абвінавачаным, так і іншымі асобамі, могуць быць дасягнуты пры прызначэнні Семчанка меры асноўнага пакарання ў выглядзе пазбаўлення волі.

Як паведамлялася, абвінавачаны ў 2020-2022 гадах у розных сацыяльных сетках размясціў публікацыі, накіраваныя на фармаванне ў грамадскасці непрыязнасці і нянавісці да супрацоўнікаў праваахоўных органаў, вайскоўцаў і прадстаўнікоў улады.

Як сказала дзяржабвінаваўца Аліна Касьянчык у каментары для журналістаў, Семчанка больш за 11 гадоў прапрацаваў на адным з тэлеканалаў у аддзеле палітычных аглядальнікаў. Пасля выбарчай кампаніі ў 2020 годзе ён паддаўся вонкаваму агрэсіўнаму інфармацыйнаму ціску. У судовым пасяджэнні абвінавачаны прызнаў сваю віну і раскаяўся ў зробленым.

Звязда, 23 сакавіка 2023