Якія падзеі адбыліся 1 лютага і чым адзначаны гэты дзень у народным календары, чытайце далей:
Гістарычныя падзеі 1 лютага
У 1411 годзе быў заключаны Торуньскі мір, якім скончылася Вялікая вайна (1409-1411) Польшчы і ВКЛ з Тэўтонскім ордэнам.
У 1717 годзе ў Рэчы Паспалітай адбылося пасяджэнне аднадзённага "Нямога сейма", які абмежаваў уладу караля і пашырыў правы шляхты
У 1919 годзе пачаліся рэгулярныя заняткі ў Віленскай беларускай гімназіі.
У 1951 годзе быў заснаваны Кангрэс беларусаў Амерыкі.
У 2005 годзе пачаў вяшчанне тэлеканал "Беларусь-ТБ".
Хто нарадзіўся 1 лютага
1811 год: Рамуальд Зянкевіч, беларускі этнограф, педагог.
1913 год: Сяргей Прытыцкі, беларускі палітычны дзеяч.
1913 год: Антон Алешка, беларускі пісьменнік.
1931 год: Іван Пратасеня, беларускі мастак-акварэліст.
Таксама сёння нарадзіліся амерыканскі акцёр Кларк Гейбл і першы прэзідэнт Расіі Барыс Ельцын.
1 лютага ў народным календары
Сёння праваслаўныя вернікі шануюць памяць вялебнага Макарыя Вялікага. У народзе яго лічаць дарадчыкам і лекарам. У гэты дзень жанчыны хадзілі да траўніц, каб узяць у іх лекавыя зёлкі. Іх заварвалі кіпенем і для смаку дадавалі мёд.
Па надвор`і ў гэты дзень даведваліся, калі прыйдзе вясна. Калі дзень ясны або адліга, вясна будзе ранняя. Завея, наадварот, сведчыць пра тое, што снег будзе яшчэ ляжаць у сакавіку.
Sputnik, 1 лютага 2023
