Частка сродкаў інавацыйнага і інвестыцыйнага фондаў Мінэнерга будзе накіравана на рэалізацыю праектаў па асваенні ўдасканаленай тэхналогіі выкарыстання тарфяных брыкетаў на цэментных заводах.

Размова йдзе аб вытворчых лініях на ААТ "Крычаўцэментнашыфер" і ААТ "Беларускі цэментны завод".

Плануецца, што тарфянымі брыкетамі заменяць імпартуемы каменны вугаль у аб`ёме да 150 тыс. т умоўнага паліва ў год, што эквівалентна аб`ёмам вытворчасці 6 торфабрыкетных заводаў. Пры запланаваных аб`ёмах замяшчэння тэрмін акупнасці праектаў складзе 3-4 гады.

Як лічаць спецыялісты, рэалізацыя праектаў дасць магчымасць за кошт павелічэння выкарыстання мясцовых відаў паліва павысіць энергетычную бяспеку краіны, часткова дыверсіфікаваць паліўны рынак і знізіць затраты на вытворчасць цэменту. Акрамя таго, будзе забяспечана стабільная сацыяльна-эканамічнае развіццё населеных пунктаў, для якіх торфабрыкетныя вытворчасці з`яўляюцца горадаўтваральнымі.

27 ліпеня 2015, Мінск
БЕЛТА