Адпаведная пастанова ад 13 чэрвеня 2013 года нумар 483 афіцыйна апублікавана на Нацыянальным прававым інтэрнэт-партале.
Ад пасад вызвалены дырэктар дэпартамента па меліярацыі і воднай гаспадарцы Мінсельгасхарча Анатоль Булыня па ўзгадненню бакоў, дырэктар дэпартамента па геалогіі Мінпрыроды Уладзімір Варакса ў сувязі з пераводам да іншага наймальніка. Ад пасады дырэктара Фонду дзяржмаёмасці Дзяржаўнага камітэта па маёмасці вызвалена Наталля Жарнасек у сувязі з пераводам да іншага наймальніка. У сувязі з заканчэннем тэрміну дзеяння кантракта ад пасады дырэктара дэпартамента па гідраметэаралогіі Мінпрыроды вызвалены Алег Максюта. Намеснік міністра сувязі і інфарматызацыі Сяргей Несцяровіч вызвалены ад пасады па скарачэнню штату работнікаў. Сяргей Нерад вызвалены ад пасады намесніка міністра спорту і турызму ў сувязі з учынкам, не сумяшчальным са знаходжаннем на дзяржаўнай пасадзе.
17 чэрвеня 2013, Мінск
БЕЛТА
