Буйную партыю тытуню, якая знаходзілася ў вагонах саставу з лесаматэрыяламі, што накіроўваўся на выезд з Беларусі ў Польшчу вечарам 26 лістапада, знайшлі брэсцкія памежнікі ў пункце пропуску "Буг".

Як паведамілі ў Дзяржпагранкамітэце Беларусі, па ініцыятыве памежнікаў супрацоўнікамі чыгункі была праведзена вычапка вагона і падчас спецыяльнага надгляду сумесна з супрацоўнікамі Брэсцкай мытні канфіскаваны 40 корабаў — 20 тыс. пачкаў цыгарэт, папярэдне, на суму больш за 100 млн. рублёў.

Па гэтым факце праводзіцца праверка з мэтай устанаўлення асоб, датычных да супрацьпраўнай дзейнасці.

Гэта ўжо трэці такі выпадак у лістападзе.

Вячаслаў Будкевіч, БелаПАН
Мінск, 28 лістапада 2013