"Гэта цудоўны прадукт для святкавання 150-годдзя старэйшай з цяпер дзейных піваварняў Беларусі, — заявіў ён. — Чаму мы выбралі цёмны эль? Па-першае, на яго выпуск нас натхніла наша гісторыя, у стварэнні гэтага гатунку мы бачым сувязь часоў. Па-другое, "Аліварыя" валодае фантастычнымі магчымасцямі і адной з найвышэйшых у галіне экспертыз піваварання".

Цёмны эль — піва верхавога браджэння — выпушчана абмежаванай партыяй спецыяльна да юбілею. Менавіта такі тып піва варылі на заводзе ў пачатку яго дзейнасці ў XIX стагоддзі.

Паводле слоў Шарсценнікава, этыкетка "Юбілейнага" адрознівае яго ў асартыментным радзе кампаніі. "На ёй адлюстравана тэма нашай гісторыі, — патлумачыў гендырэктар, — выяўлены будынак завода — помнік прамысловай архітэктуры свайго часу, у якім ужо 150 гадоў вырабляецца піва найвышэйшай якасці".

БелаПАН,  12 лістапада 2013