Заснавальнікамі выступілі ААТ "Банкаўскі працэсінгавы цэнтр", ААТ "ААБ Беларусбанк", ААТ "Белаграпрамбанк" і ААТ "Белінвестбанк". Аб гэтым паведамілі ў прэс-службе Беларусбанка.

"Ствараемае ЗАТ павінна ажыццяўляць арганізацыйнае суправаджэнне функцыянавання плацежнай сістэмы БЕЛКАРТ, яе метадалагічнае і інфармацыйнае забеспячэнне. Выдзяленне плацежнай сістэмы БЕЛКАРТ у асобную юрыдычную асобу павысіць яе кіруемасць, дасць магчымасць акцэнтавацца на пытаннях стратэгіі і аператыўна выбудоўваць тактыку, каб усяляк садзейнічаць развіццю рынку айчынных плацежных картак. Сканцэнтраванне кіравання ў руках вядучых удзельнікаў сістэмы, каардынацыя бізнес-палітыкі ігракоў фінансавага рынку дае падставы спадзявацца, што плацежная сістэма БЕЛКАРТ зойме стабільна лідзіруючыя пазіцыі ў Беларусі", - адзначылі ў Беларусбанку.

Рашэнне аб стварэнні новай юрыдычнай асобы ў форме закрытага акцыянернага таварыства было прынята наглядальным саветам Банкаўскага працэсінгавага цэнтра 6 чэрвеня 2013 года. З верасня 2007 года БПЦ валодае таварным знакам БЕЛКАРТ. Цяпер доля БЕЛКАРТ на рынку Беларусі складае 46,54 працэнта па колькасці картак у абарачэнні. У склад удзельнікаў гэтай плацежнай сістэмы ўваходзяць 20 беларускіх банкаў.

ААТ "ААБ Беларусбанк" з`яўляецца ўдзельнікам сістэмы БЕЛКАРТ з 1996 года. У агульнай долі эмітаваных усімі банкамі Беларусі картак БЕЛКАРТ Беларусбанк з аб`ёмам эмісіі 3,3 млн. картак (64 працэнты) упэўнена займае 1-е месца. Сёння банкам прапануецца шырокі спектр картачных прадуктаў БЕЛКАРТ, у тым ліку для дзяцей, студэнтаў і карпаратыўных кліентаў. Асаблівым поспехам карыстаюцца зберагальныя карткі, якія даюць магчымасць атрымліваць дадатковы даход у выглядзе павышанага працэнта на суму грашовых сродкаў на рахунку.

16 жніўня 2013, Мінск
Ганна Кот - БЕЛТА