Упраўленнем дэпартамента фінансавых расследаванняў Камітэта дзяржкантролю па Мінскай вобласці і Мінску раскрыта незаконная схема рэалізацыі прыватнай кампаніяй вырабаў з гранітнага каменю, паведаміла прэс-служба КДК.
Устаноўлена, што гатовыя вырабы з граніту пастаўляліся на розныя будаўнічыя аб`екты дзяржаўнай і прыватнай формы ўласнасці, а таксама для дарагой апрацоўкі адміністрацыйных будынкаў. Пры гэтым кіраўніцтва кампаніі актыўна выкарыстоўвала ў сваёй дзейнасці лжэпрадпрымальніцкія структуры. Атрыманы даход выводзіўся з рахункаў кампаніі шляхам пераводу ў наяўныя грашовыя сродкі праз падстаўныя кампаніі з мэтай ухілення ад выплаты падаткаў.
Абарот ад незаконных здзелак з гранітным каменем склаў прыкладна 10 млрд. рублёў, сума нявыплачаных падаткаў — 2,7 млрд. рублёў. У бюджэт дзяржавы ўжо кампенсавана прыблізна 1,5 млрд. рублёў, атрыманых ад незаконнай прадпрымальніцкай дзейнасці.
У дачыненні да дырэктара прыватнай кампаніі і яго намесніка, якія абвінавачваюцца ва ўхіленні ад выплаты падаткаў у асабліва буйным памеры, распачата крымінальная справа. Службовыя асобы фірмы затрыманы.
Марына Носава,
БелаПАНМінск, 26 жніўня 2013
