Курс долара ЗША па выніках таргоў на Беларускай валютна-фондавай біржы 22 жніўня вырас на 10 рублёў і дасягнуў 8.930 рублёў. Гэта з`яўляецца новым гістарычным максімумам кошту амерыканскай валюты.
Паводле даных БВФБ, аб`ём таргоў доларам склаў 37 млн. 187 тыс. долараў (першапачатковы попыт — 38 млн. 508 тыс., прапанова — 34 млн. 202 тыс.).
Курс расійскага рубля знізіўся на 1,5 рубля да 269 рублёў. Аб`ём таргоў склаў 1 млрд. 448 млн. 810 тыс. расійскіх рублёў (попыт — 1 млрд. 289 млн. 537 тыс., прапанова — 1 млрд. 450 млн. 161 тыс.).
Курс еўра знізіўся на 30 рублёў і склаў 11.920 рублёў. Аб`ём — 20 млн. 172 тыс. еўра (попыт — 18 млн. 445 тыс., прапанова — 24 млн. 172 тыс.).
Аляксей Арэшка,
БелаПАНМінск, 22 жніўня 2013
