Гэта прадугледжана пастановай Савета Міністраў Беларусі ад 24 студзеня 2013 года нумар 59 "Аб некаторых мерах па рэалізацыі Указа Прэзідэнта Рэспублікі Беларусь ад 18 кастрычніка 2007 г. нумар 529".

Сродкі накіраваны на рэалізацыю інвестыцыйных праектаў па стварэнню (будаўніцтву), тэхнічнаму перааснашчэнню, мадэрнізацыі і рэканструкцыі вытворчасцей прадукцыі дрэваапрацоўкі, у тым ліку для правядзення пусканаладачных работ на гэтых вытворчасцях.

Гэтыя крэдыты неабходны і для кампенсацыі страхавых камісій упаўнаважаных страхавых агенцтваў пры прыцягненні крэдытаў (пазык) замежных банкаў (нябанкаўскіх крэдытна-фінансавых арганізацый) і знешніх дзяржаўных пазык (крэдытаў), а таксама для выплаты працэнтаў за карыстанне крэдытамі.

Указ нумар 529 "Аб некаторых мерах па развіццю дрэваапрацоўчай прамысловасці" датычыцца будаўніцтва ў Беларусі новых заводаў па вытворчасці драўнянастружкавых і ламініраваных пліт на базе дзевяці прадпрыемстваў канцэрна "Беллеспаперапрам". Мэта праектаў - забяспечыць рацыянальнае і комплекснае выкарыстанне драўніны, уключыць у перапрацоўку мясцовую сыравіну і адходы, забяспечыць вытворчасць прадукцыі з высокай дабаўленай вартасцю, развіваць імпартазамяшчэнне. Мадэрнізацыю дрэваапрацоўкі ажыццяўляюць "Барысаўдрэў", "Віцебскдрэў", "Гомельдрэў", "Івацэвічдрэў", "Мазырдрэў", "Мастоўдрэў", "Магілёўдрэў", "Рэчыцадрэў", "ФанДАК" (Бабруйск).

28 студзеня 2013, Мінск
БЕЛТА