Гэта прадугледжана законам аб унясенні змяненняў і дапаўненняў у Падатковы кодэкс ад 26 кастрычніка 2012 года, які адмяніў ранейшую льготу па падатку на дададзены кошт для ўсіх аператараў мабільнай сувязі. Такім чынам, цяпер да кошту паслуг сувязі для фізічных асоб дададзены 20-працэнтны ПДК.

У Міністэрстве фінансаў разлічваюць, што адмена льгот па ПДК "забяспечыць дадатковыя паступленні гэтага падатку ў бюджэт пры нязначным павелічэнні расходаў насельніцтва".

На пачатак 2012 года агульная колькасць абанентаў сотавай сувязі ў Беларусі складала 10,7 мільёна.

Паслугі сотавай рухомай электрасувязі ў краіне аказваюць чатыры аператары: тры ў стандарце GSM (ЗП "Велком", СТАА "Мабільныя ТэлеСістэмы", ЗАТ "БеСТ"), адзін у стандарце IMT-MC-450 (СП ТАА "БелСел").

БелаПАН
Мінск, 1 студзеня 2013