Абноўленая расійская ядзерная дактрына заклікана прымусіць задумацца ЗША, паведаміў беларускі ваенны аглядальнік Аляксандр Алесін.
Ён адзначыў, што ў рамках абноўленай палітыкі ядзернага стрымлівання, пра якую на нарадзе 25 верасня казаў прэзідэнт Расіі Уладзімір Пуцін, РФ пакідае за сабой права выкарыстаць ядзерную зброю пры агрэсіі ў дачыненні да краіны (пры падтрымцы дзяржавы, якая валодае ядзернай зброяй), нават калі праціўнік выкарыстоўвае звычайнае узбраенне.
"Гэта сітуацыя, якая поўнасцю складваецца ў раёне правядзення спецыяльнай ваеннай аперацыі. Выступленне Уладзіміра Пуціна папярэджвае ЗША аб тым, што нельга дазваляць Украіне выкарыстоўваць дальнабойную зброю. У такім выпадку будзе працаваць пункт гэтага артыкула. Гэта момант для роздумаў Злучаным Штатам Амерыкі", - сказаў Алесін.
Паводле яго слоў, у Вашынгтоне з трывогай успрынялі папярэджанне Пуціна аб тым, што РФ можа перадаваць дальнабойную высокадакладную зброю дзяржавам, рухам або групам, якія варожа настроены да Штатаў.
Эксперт лічыць, што зараз сітуацыя для ЗША патэнцыяльна абвастрылася, і яны возьмуць паўзу для таго, каб правесці аналіз.
Нават не Карыбскі крызіс
Алесін звярнуў увагу на тое, што новая ядзерная дактрына РФ улічвае той факт, што Захад перадае УСУ ўзбраенне і ваенную тэхніку. Так, калі зброя далёкасцю 500 і больш кіламетраў будзе перададзена ўкраінскім баевікам, то гэта будзе азначаць прамую агрэсію супраць Расіі.
Эксперт патлумачыў, што Украіна самастойна не можа выкарыстоўваць дальнабойную зброю: у яе няма спадарожнікавай навігацыі, сістэмы падрыхтоўкі палётных заданняў для такіх ракет і сістэм кіравання.
"Гэта значыць пры пусках такога ўзбраення, у пунктах кіравання будуць прысутнічаць ваенныя ЗША. Дадзеныя з амерыканскіх спадарожнікаў у рэжыме рэальнага часу будуць перадавацца на гэтыя сістэмы. Цяпер сітуацыя вельмі сур’ёзная і за ўвесь час супастаўная з Карыбскім крызісам 1962 года. Яна нават больш сур’ёзная", - удакладніў Алесін.
Запас трываласці
Эксперт падкрэсліў, што Расія мае каласальны запас трываласці ў галіне ўзбраення і ВПК. І заходнія "страшылкі" пра нібы суперзброю ў выглядзе F-16, HIMARS і іншага Украіне не дапамогуць.
"Цяпер наступіў момант ісціны і, калі ЗША далей будуць правакаваць Расію, можна чакаць рашучы адказ", - дадаў Алесін.
Ён лічыць, што РФ можа зрабіць "папераджальны стрэл": напрыклад, у хусітаў могуць з’явіцца супрацькарабельныя ракеты, якія ўдараць па "сімвалах Амерыкі" – авіяносцам у раёне Блізкага Усходу.
Хусіты ўжо змаглі нанесці сур’ёзны камерцыйны ўрон Ізраілю, а наступны крок, як мяркуе эксперт, можа быць іншы – ваенны ўрон ЗША.
Сур’ёзнае папярэджанне
Расійскі лідар раней заявіў, што РФ пакідае за сабой права выкарыстаць ядзерную зброю ў выпадку агрэсіі супраць Расіі і Беларусі, як удзельніка Саюзнай дзяржавы. Эксперт лічыць гэтыя словы сур’ёзным папярэджаннем.
"Уладзімір Уладзіміравіч зрабіў папярэджанне і ядзерны парасон цяпер распаўсюджваецца і на Беларусь", - рэзюмаваў Алесін.
Sputnik, 29 верасня 2024
