Інцыдэнт адбыўся ўвечары ў нядзелю, машына збіла сям’ю з пяці чалавек, адзін загінуў на месцы, трое памерлі ў бальніцы. Выжыў толькі дзевяцігадовае дзіця, якое атрымала сур’ёзныя траўмы.

«Мы лічым, што гэта было наўмыснае дзеянне, атака на ахвяраў адбылася з-за таго, што яны мусульмане», — заявіў кіраўнік паліцыі горада.

Мэр горада распарадзіўся абвясціць трохдзённую жалобу і прыспусціць сцягі. «Адбылося масавае забойства, накіраванае супраць мусульман, супраць жыхароў Лондана і выкліканае неапісальнай нянавісцю», — гаворыцца ў заяве мэра, апублікаваный у Twitter.

Кіраўнік горада сустрэўся з прадстаўнікамі мусульманскай суполкі, каб выказаць ім спачуванні і запэўніць, што яны могуць адчуваць сябе ў горадзе ў бяспецы.

Паліцыя затрымала злачынца ў хуткім часе пасля таго, як прыбыла на месца злачынства, ім аказаўся 20-гадовы мужчына. Ён знаходзіцца пад вартай, ідзе расследаванне.

Звязда, 8 чэрвеня 2021