Сінод Рускай праваслаўнай царквы прыняў рашэнне аб тым, што дзяцей можна хрысціць пад імёнамі замежных святых, якія ўшаноўваюцца ў любой з памесных праваслаўных цэркваў. 

У адным з паведамленняў гаворыцца аб недапушчальнасці абмежаванняў у дапушчэнні да царкоўных таінстваў вернікаў, якія маюць нацыянальныя імёны, традыцыйныя для іншых памесных праваслаўных цэркваў (або імёны ў іншых нацыянальных гучаннях).

Камісія Сінода адзначыла, што цяпер дзяцей можна хрысціць пад сугучнымі імёнамі "не нацыянальнага гучання", напрыклад, Іаан - Джон, Іаана - Жанна.

Як паведамляе РБК, у выпадку калі размова ідзе аб хрышчэнні дарослага чалавека, імя якога не мае аналага ў календарах памесных цэркваў, яму павінны даць магчымасць самому выбраць хрысцільнае імя ў праваслаўным календары.

"Прычым пажадана, каб яно было блізкае па гучанні з грамадзянскім імем", - сказана ў пастанове.

У каментарыі да рашэння Сінода пазначана, што традыцыя выбару імя, якая існуе ў РПЦ, не заўсёды ўлічвае разнастайнасць традыцый і практык, што склаліся ў іншых памесных праваслаўных цэрквах.

Гэта звязана ў тым ліку з тым, што каляндар Рускай праваслаўнай царквы не змяшчае імён усіх праслаўленых памеснымі цэрквамі святых.

Звязда, 28 снежня 2019