Беларускі мастацкі фільм "Хрусталь" не ўвайшоў у лік карцін, якія змогуць прэтэндаваць на кінапрэмію "Оскар" у катэгорыі "Лепшы фільм на замежнай мове".

Амерыканская акадэмія кінамастацтваў у панядзелак вызначылася са спісам з дзевяці замежных фільмаў, якія будуць змагацца у 2019 годзе за галоўную кінаўзнагароду.

Сярод адабраных карцін няма фільма рэжысёра Дар`і Жук "Хрусталь". Не ўвайшлі ў лік прэтэндэнтаў "Сабібор" расіяніна Канстанціна Хабенскага і "Данбас" украінскага рэжысёра Сяргея Лазніцы.

У 2019 годзе на "Оскар" будуць прэтэндаваць:

"Вінаваты" (Данія)

"Пералётныя птушкі" (Калумбія)

"Шопліфтары" (Японія)

"Работа без аўтарства" (Германія)

"Капернаум" (Ліван)

"Айка" (Казахстан)

"Рома" (Мексіка)

"Палаючыя" (Паўднёвая Карэя)

"Халодная вайна" (Польшча)

Чарговая цырымонія ўручэння кінапрэміі "Оскар" пройдзе ў Лос-Анджэлесе 24 лютага наступнага года.

Мінск, 18 снежня 2018
Sputnik