Пазначыць трэцюю гендарную катэгорыю змогуць тыя, хто нарадзіўся ў Нью-Ёрку і не лічыць сябе мужчынам або жанчынай. Да гэтага мясцовыя жыхары маглі выбраць трэці пол у пасведчаннях аб нараджэнні толькі пасля пацверджання лекара аб змене полу.

Указваць трэці пол у пасведчанні аб нараджэнні дазволена ў чатырох штатах — Каліфорніі, Арэгоне, Вашынгтоне і Нью-Джэрсі. У горадзе Вашынгтоне, акруга Калумбія, а таксама ў Арэгоне, Мэне і Каліфорніі дазволены гендарна-нейтральныя правы кіроўцы.

Новы Час, 10 кастрычніка 2018