"Для эфектыўнай барацьбы з гандлем людзьмі як паветра неабходны сумесныя і скаардынаваныя дзеянні ўсіх партнёраў: дзяржаў, міжнародных арганізацый, грамадскіх структур, прыватнага сектара, сродкаў масавай інфармацыі і кожнага неабыякавага чалавека, - сказаў намеснік кіраўніка знешнепалітычнага ведамства. - Агляд выканання прынятага па ініцыятыве Беларусі Глабальнага плана дзеянняў па барацьбе з гандлем людзьмі, які ў мінулым годзе адбыўся ў ААН, паказаў, што нам ёсць над чым працаваць, каб зрабіць сумесную працу па прадухіленні гандлю людзьмі, абароне і падтрымцы ахвяр гэтага злачынства сапраўды ўсёабдымнай і комплекснай".
"Беларусь цвёрда адстойвае на міжнародным узроўні ідэю неабходнасці адзінства дзеянняў у барацьбе з гандлем людзьмі. Менавіта з гэтай мэтай краіна ініцыіравала ў лістападзе мінулага года на 72-й сесіі Генеральнай асамблеі ААН рэзалюцыю
"Паляпшэнне каардынацыі намаганняў па барацьбе з гандлем людзьмі". Мы былі натхнёныя тым, што дзяржавы - члены ААН кансэнсусам прынялі гэты дакумент. Больш за 70 краін сталі яго суаўтарамі", - падкрэсліў Андрэй Дапкюнас.
Каштоўнасць ініцыятывы па паляпшэнні каардынацыі намаганняў у барацьбе з гандлем людзьмі заключаецца ў тым, што прапануюцца канкрэтныя фарматы сумеснай работы па лініі дзяржаў, міжнародных арганізацый, бізнес-супольнасцей, няўрадавых арганізацый і СМІ, у тым ліку ў кантэксце дасягнення Мэт устойлівага развіцця.
Акрамя таго, намеснік міністра адзначыў высокі ўзровень узаемадзеяння ў Беларусі ўсіх нацыянальных і міжнародных партнёраў, якія ўдзельнічаюць у рабоце ў барацьбе з гандлем людзьмі. Словы ўдзячнасці ён выказаў суарганізатарам сённяшняга мерапрыемства.
"Міністэрства ўнутраных спраў Беларусі - наш галоўны нацыянальны партнёр у гэтай важнай справе. Міжнародная арганізацыя па міграцыі - адзін з найбольш даўніх партнёраў Беларусі ў абароне ахвяр гандлю людзьмі. Дзякуй вам, калегі, за настойлівасць і паслядоўнасць вашых намераў, за таварыскі дух супрацоўніцтва", - падзякаваў намеснік кіраўніка МЗС.
Ён выказаў словы ўдзячнасці кожнаму прысутнаму на брыфінгу. У мерапрыемстве прынялі ўдзел кіраўнік прадстаўніцтва МАМ у Беларусі Зейнал Гаджыеў, пастаянны каардынатар ААН у Беларусі Іаанна Казана-Вішнявецкa, прадстаўнікі дзяржаўных органаў, міжнародных арганізацый і акадэмічнай супольнасці.
30 ліпеня 2018, Мінск
Аліна Грышкевіч - БЕЛТА
"Беларусь цвёрда адстойвае на міжнародным узроўні ідэю неабходнасці адзінства дзеянняў у барацьбе з гандлем людзьмі. Менавіта з гэтай мэтай краіна ініцыіравала ў лістападзе мінулага года на 72-й сесіі Генеральнай асамблеі ААН рэзалюцыю
"Паляпшэнне каардынацыі намаганняў па барацьбе з гандлем людзьмі". Мы былі натхнёныя тым, што дзяржавы - члены ААН кансэнсусам прынялі гэты дакумент. Больш за 70 краін сталі яго суаўтарамі", - падкрэсліў Андрэй Дапкюнас.
Каштоўнасць ініцыятывы па паляпшэнні каардынацыі намаганняў у барацьбе з гандлем людзьмі заключаецца ў тым, што прапануюцца канкрэтныя фарматы сумеснай работы па лініі дзяржаў, міжнародных арганізацый, бізнес-супольнасцей, няўрадавых арганізацый і СМІ, у тым ліку ў кантэксце дасягнення Мэт устойлівага развіцця.
Акрамя таго, намеснік міністра адзначыў высокі ўзровень узаемадзеяння ў Беларусі ўсіх нацыянальных і міжнародных партнёраў, якія ўдзельнічаюць у рабоце ў барацьбе з гандлем людзьмі. Словы ўдзячнасці ён выказаў суарганізатарам сённяшняга мерапрыемства.
"Міністэрства ўнутраных спраў Беларусі - наш галоўны нацыянальны партнёр у гэтай важнай справе. Міжнародная арганізацыя па міграцыі - адзін з найбольш даўніх партнёраў Беларусі ў абароне ахвяр гандлю людзьмі. Дзякуй вам, калегі, за настойлівасць і паслядоўнасць вашых намераў, за таварыскі дух супрацоўніцтва", - падзякаваў намеснік кіраўніка МЗС.
Ён выказаў словы ўдзячнасці кожнаму прысутнаму на брыфінгу. У мерапрыемстве прынялі ўдзел кіраўнік прадстаўніцтва МАМ у Беларусі Зейнал Гаджыеў, пастаянны каардынатар ААН у Беларусі Іаанна Казана-Вішнявецкa, прадстаўнікі дзяржаўных органаў, міжнародных арганізацый і акадэмічнай супольнасці.
30 ліпеня 2018, Мінск
Аліна Грышкевіч - БЕЛТА
