"Для многіх людзей відавочна, што з моманту заканчэння халоднай вайны еўрапейская архітэктура бяспекі яшчэ не перажывала такога глыбокага сістэмнага крызісу. Пра тое, што планета блізка падышла да бездані сур`ёзнага канфлікту, папярэджваюць многія незалежныя і аўтарытэтныя крыніцы", — адзначыў кіраўнік дзяржавы.

На яго думку, пытанні, вынесеныя на разгляд форуму, актуальныя для многіх дзяржаў свету. "Не выпадкова гэтае мерапрыемства праходзіць у Мінску. Тут ужо традыцыйна прадстаўнікі розных краін і рэгіёнаў планеты могуць у спакойных умовах поўнай бяспекі абмяркоўваць абсалютна любыя, нават самыя вострыя пытанні", — сказаў Лукашэнка.

На яго думку, значнасць беларускай сталіцы як зручнай пляцоўкі для перамоў узрастае дзякуючы шматвектарнай знешняй палітыцы Беларусі, павазе да замежных партнёрам і ўстойліваму сацыяльна-эканамічнаму развіццю дзяржавы.

Лукашэнка адзначыў, што ў зале прысутнічаюць эксперты з краін Заходняй і Усходняй Еўропы, Расіі, ЗША і КНР. Гэта, паводле яго слоў, пацвярджае глабальнасць праблем, якія разглядаюцца. "Бо гаворка ідзе аб канцэптуальных аспектах міжнароднай бяспекі, канкрэтных гарачых і замарожаных канфліктах", — дадаў кіраўнік дзяржавы.

"Многія з вас маюць непасрэднае дачыненне да выпрацоўкі рашэнняў па пераадоленні выклікаў і пагроз, што стаяць перад многімі дзяржавамі. Менавіта вы можаце даць адказ, як могуць быць вырашаныя крызісныя сітуацыі на нашай планеце", — сказаў Лукашэнка, звяртаючыся да ўдзельнікаў форуму.

"Мінская экспертная пляцоўка закліканая спрыяць абмену думкамі, аргументаванай дыскусіі і пачатку дыялогу, дэфіцыт якога вельмі адчуваецца ў цяперашніх міжнародных адносінах. Любы разважны чалавек пацвердзіць, што сёння няма больш важнага пытання, чым захаванне міру і забеспячэнне яго ўстойлівага развіцця. Таму важна выпрацаваць і падаць палітыкам дакладныя прапановы, як гэта зрабіць з захаваннем інтарэсаў усіх бакоў. Яшчэ лепш, калі вашы ідэі будуць уздзейнічаць на шырокую грамадскую свядомасць", — падкрэсліў кіраўнік дзяржавы.

Аляксей Аляксандраў, БелаПАН
Мінск, 24 мая 2018