У працэсе кланавання клеткі з ДНК донара ўводзіліся ў яйкаклетку. Навукоўцы выкарыстоўвалі ўзоры тканін, узятыя ў 1988 годзе ў тхара па мянушцы Уіл. Увесь гэты час яны захоўваліся ў замарожаным стане.

Чарнаногія тхары — від, які знаходзіцца пад пагрозай. У ХХ стагоддзі папуляцыю амаль цалкам вынішчылі. У 1970-х гадах яе нават абвясцілі вымерлай. Але праз 10 гадоў хатняя сабака прыцягнула гаспадарам мёртвага чорнага тхара. Навукоўцы правялі новае даследаванне і выявілі сем асобін, якія выжылі.

Цяперашняя папуляцыя чарнаногіх тхароў ў прыродзе складае каля 300 асобін. Усе яны паходзяць ад семярых "родапачынальнікаў". Нізкая генетычная разнастайнасць і інбрындынг могуць знізіць здольнасць віду да размнажэння і выжывання ў дзікай прыродзе.

У перспектыве навукоўцы плануюць вывесці нашчадства ад Норына і Антоніі. Але пакуль яны назіраюць за дзіцянятамі, каб пераканацца, што яны здаровыя і развіваюцца ў адпаведнасці з нормай, паведамляе The Daily Mail.

Раней паведамлялася, што ў Кітаі паспяхова кланавалі тыбецкіх коз. Такім чынам спецыялісты хочуць прадухіліць звод пароды.

Звязда, 19 красавіка 2024