На ўзроўні пагранпрадстаўніцкіх кантактаў ад украінскага боку атрыманая інфармацыя аб тым, што з 00.00 18 лютага 2016 года рашэннем Кабінета міністраў Украіны велікагрузныя транспартныя сродкі з рэгістрацыйнымі нумарамі Расійскай Федэрацыі не будуць прапускацца на ўкраінскую тэрыторыю. 

Памежнікі рэкамендуюць расійскім перавозчыкам улічваць гэтую інфармацыю пры планаванні маршрутаў.

Нагадаем такая сітуацыя выкліканая тым, што на фоне адсутнасці дамоўленасцяў аб транзіце велікагрузаў паміж Расіяй і Польшчай, расійскія аўтаперавозчыкі накіравалі свае маршруты ў абыход РП праз Украіну і Літву. На ўкраінскай тэрыторыі калоны грузавікоў РФ блакаваліся. Меры ў адказ прыняла і Расія.

Вячаслаў Будкевіч, БелаПАН
Мінск, 18 лютага 2016