Алег Рыжкоў расказаў, што экспазіцыйны графік выстаўкі распісаны на ўвесь 2016 год, яе чакаюць у краінах Еўропы, Азіі - аж да Японіі.

Арганізатары разлічваюць, што яна будзе даступна шырокай аўдыторыі. Яе ўбачаць не толькі наведвальнікі пасольстваў, але і важных міжнародных дзелавых, культурных мерапрыемстваў. У МЗС экспазіцыю адкрыла намеснік міністра Алена Купчына.

Паводле яе слоў, у 2016 годзе, які аб`яўлены ў краіне Годам культуры, трэба будзе прадоўжыць умацаванне незалежнай Беларусі, яе дзяржаўнасці, а таксама ідэнтычнасці, у тым ліку на міжнароднай арэне.

Гэтаму будзе садзейнічаць і мабільны выставачны праект.

"Беларусь і беларусы", які дае кароткую характарыстыку культурным дасягненням, на даступнай мове расказвае аб гісторыі краіны, прадстаўляе беларускую нацыю як неад`емную частку сусветнай супольнасці.

Выстаўка складаецца з мабільных канструкцый, на якіх размешчаны тэматычныя малюнкі, фатаграфіі прадметаў, дакументаў, невялікія тэксты з тлумачэннямі на беларускай і англійскай мовах. Змест дзеліцца на два тэматычныя комплексы, адзін з іх прысвечаны гісторыі Беларусі, другі - культурным дасягненням.

19 студзеня 2016, Мінск
БЕЛТА