Маштабная творчая праграма прадставіць беларускую культуру туркменскаму гледачу ў Дні культуры Беларусі ў Туркменістане.
Канцэрт беларускіх майстроў мастацтваў адкрыў 7 снежня ў Ашхабадзе ў Палацы мукамаў Дзяржаўнага культурнага цэнтра Туркменістана праграму дзён. Гэта стане маляўнічай падзеяй, паколькі госці вечара ўбачаць выступленні лепшых артыстаў, якія вядомы і ў Беларусі, і за межамі краіны, адзначыла Ірына Дрыга.
Сустрэча беларускай творчай дэлегацыі ў складзе праслаўленага харэаграфічнага ансамбля "Харошкі", ансамбля "Песняры", народных артыстаў Беларусі Аляксандра Ціхановіча і Ядвігі Паплаўскай, салісткі Нацыянальнага акадэмічнага Вялікага тэатра оперы і балета заслужанай артысткі Беларусі Ніны Шарубінай, а таксама заслужанай артысткі Беларусі Алёны Ланской прайшла ў цёплай атмасферы. Яркі, разнапланавы канцэрт адкрыцця стане толькі пачаткам вялікай культурнай праграмы, падкрэсліла Ірына Дрыга.
У аўторак пачне работу выстаўка твораў беларускіх майстроў дэкаратыўна-прыкладнога мастацтва ў Музеі выяўленчых мастацтваў Туркменістана.
Наведвальнікі змогуць паўдзельнічаць у майстар-класах народных умельцаў.
У праграме Дзён культуры Беларусі ў Туркменістане таксама Дні паэзіі. Беларускія літаратары сустрэнуцца са сваімі туркменскімі калегамі па творчым цэху, абмяркуюць пытанні наладжвання літаратурных сувязей, арганізацыі перакладаў твораў.
У Дзяржаўнай бібліятэцы Дзяржаўнага культурнага цэнтра Туркменістана 8 снежня адбудзецца перадача камплекта выданняў, якія адлюстроўваюць сацыяльна-эканамічнае і палітычнае жыццё Беларусі, яе шматгадовую гісторыю і культуру.
Работы беларускіх кінематаграфістаў апошніх гадоў будуць дэманстравацца ў Дні беларускага кіно. Афіша ўключае фільмы "Белыя Росы. Вяртанне", "Сляды апосталаў", "Беларусь. 4 гады вайны", анімацыйныя стужкі.
Мерапрыемствы Дзён культуры Беларусі пройдуць не толькі ў Ашхабадзе. Беларускіх артыстаў чакаюць таксама ў горадзе Туркменабад, дзе 9 снежня адбудзецца канцэрт майстроў мастацтваў. А 10 снежня пройдзе цікавая творчая акцыя - сумесны канцэрт майстроў мастацтваў Беларусі і Туркменістана. Гэты канцэрт прымеркаваны да дзвюх значных дат - 70-годдзя Вялікай Перамогі і 20-годдзя нейтралітэту Туркменістана.
7 снежня 2015, Мінск
БЕЛТА
Канцэрт беларускіх майстроў мастацтваў адкрыў 7 снежня ў Ашхабадзе ў Палацы мукамаў Дзяржаўнага культурнага цэнтра Туркменістана праграму дзён. Гэта стане маляўнічай падзеяй, паколькі госці вечара ўбачаць выступленні лепшых артыстаў, якія вядомы і ў Беларусі, і за межамі краіны, адзначыла Ірына Дрыга.
Сустрэча беларускай творчай дэлегацыі ў складзе праслаўленага харэаграфічнага ансамбля "Харошкі", ансамбля "Песняры", народных артыстаў Беларусі Аляксандра Ціхановіча і Ядвігі Паплаўскай, салісткі Нацыянальнага акадэмічнага Вялікага тэатра оперы і балета заслужанай артысткі Беларусі Ніны Шарубінай, а таксама заслужанай артысткі Беларусі Алёны Ланской прайшла ў цёплай атмасферы. Яркі, разнапланавы канцэрт адкрыцця стане толькі пачаткам вялікай культурнай праграмы, падкрэсліла Ірына Дрыга.
У аўторак пачне работу выстаўка твораў беларускіх майстроў дэкаратыўна-прыкладнога мастацтва ў Музеі выяўленчых мастацтваў Туркменістана.
Наведвальнікі змогуць паўдзельнічаць у майстар-класах народных умельцаў.
У праграме Дзён культуры Беларусі ў Туркменістане таксама Дні паэзіі. Беларускія літаратары сустрэнуцца са сваімі туркменскімі калегамі па творчым цэху, абмяркуюць пытанні наладжвання літаратурных сувязей, арганізацыі перакладаў твораў.
У Дзяржаўнай бібліятэцы Дзяржаўнага культурнага цэнтра Туркменістана 8 снежня адбудзецца перадача камплекта выданняў, якія адлюстроўваюць сацыяльна-эканамічнае і палітычнае жыццё Беларусі, яе шматгадовую гісторыю і культуру.
Работы беларускіх кінематаграфістаў апошніх гадоў будуць дэманстравацца ў Дні беларускага кіно. Афіша ўключае фільмы "Белыя Росы. Вяртанне", "Сляды апосталаў", "Беларусь. 4 гады вайны", анімацыйныя стужкі.
Мерапрыемствы Дзён культуры Беларусі пройдуць не толькі ў Ашхабадзе. Беларускіх артыстаў чакаюць таксама ў горадзе Туркменабад, дзе 9 снежня адбудзецца канцэрт майстроў мастацтваў. А 10 снежня пройдзе цікавая творчая акцыя - сумесны канцэрт майстроў мастацтваў Беларусі і Туркменістана. Гэты канцэрт прымеркаваны да дзвюх значных дат - 70-годдзя Вялікай Перамогі і 20-годдзя нейтралітэту Туркменістана.
7 снежня 2015, Мінск
БЕЛТА
