"Для чаго гэта было зроблена (збіты расійскі ваенны самалёт), слаба зразумела. У эпоху такога напалу сітуацыі ў свеце наогул, паху пораху, які стаіць у паветры па розных пытаннях, і асабліва ў гэтым рэгіёне, цяпер яшчэ падкідваць гэтыя непатрэбныя іскаркі...", - адзначыў Уладзімір Пярцоў.

Паводле яго слоў, далейшае распальванне канфлікту і нагнятанне сітуацыі пойдзе толькі на шкоду.

"Гэта дзве вялікія краіны. Яны ўзаемазвязаны паміж сабой вялізнай эканомікай, іншымі сувязямі, і гэта (канфлікт) ні да чаго добрага ні для Турцыі, ні для Расіі не прывядзе", - упэўнены медыяэксперт.

Расійскі Су-24М быў збіты 24 лістапада ракетай "паветра-паветра", выпушчанай знішчальнікам F-16 ВПС Турцыі. У Анкары заявілі, што збіты самалёт парушыў турэцкую паветраную прастору.

Мінабароны Расіі падкрэсліла, што іх самалёт не перасякаў граніцу Турцыі, тады як турэцкі знішчальнік вылецеў у неба над Сірыяй.

Адзін з лётчыкаў Су-24М загінуў, другі быў выратаваны ў выніку 12-гадзіннай аперацыі расійскіх і сірыйскіх спецпадраздзяленняў. У ходзе аперацыі па эвакуацыі экіпажа бамбардзіроўшчыка быў страчаны верталёт Мі-8, загінуў марскі пехацінец-кантрактнік.

БЕЛТА, 7 снежня 2015