Як паведаміла прэс-служба беларускага ўрада, аб гэтым 12 чэрвеня ў Ашхабадзе паведаміў прэм`ер-міністр Беларусі Міхаіл Мясніковіч падчас наведвання будаўнічай пляцоўкі цэнтра.
"Па выніках сённяшніх перамоў з прэзідэнтам Туркменістана адзначана, што будаўніцтва цэнтра трэба фарсіраваць", — сказаў Мясніковіч. Так, металаканструкцыі цэнтра павінны быць пабудаваны ўжо да канца жніўня гэтага года.
Паводле слоў старшыні савета дырэктараў холдынгу Yaraw Эрнеста Аляксеева, гэта будзе першая такая сэрвісная сетка ў Туркменістане. У будучыні цэнтры па абслугоўванні беларускай грузавой тэхнікі плануецца стварыць у кожным рэгіёне Туркменістана. Што да асноўнага цэнтра, то гэта таксама будзе першы цэнтр грузавой тэхнікі ў такім маштабе, з комплексам паслуг, складоў у гэтай краіне. Тут будуць аказвацца такія паслугі, як продаж тэхнікі, сэрвіснае абслугоўванне, гандаль запчасткамі і падрыхтоўка кадраў.
Як адзначыў у гутарцы з журналістамі Эрнест Аляксееў, ідэя стварэння цэнтра ўзнікла дастаткова даўно, першапачаткова планавалася стварыць у Ашхабадзе сэрвісны цэнтр ААТ "МАЗ". Сёння тэхніка завода з`яўляецца лідарам сярод тэхнікі, якая пастаўляецца ў Туркменістан. Машыны карыстаюцца папулярнасцю дзякуючы прастаце ў выкарыстанні, абслугоўванні. На працягу апошніх пяці гадоў у Туркменістан накіроўваецца не менш чым 1.000 адзінак тэхнікі гэтага завода ў год. Пік продажу прыпаў на 2013 год, калі было пастаўлена 1.600 адзінак тэхнікі. "У асноўным за кошт таго, што рэзка ўзраслі продажы прыватным прадпрымальнікам і кампаніям", — патлумачыў Аляксееў.
Марына Носава,
БелаПАНМінск, 13 чэрвеня 2014
