Як адзначыў Мікалай Бардзюжа, арганізаваны практычнае ўзаемадзеянне і абмен інфармацыяй у рэжыме рэальнага часу паміж цэнтрамі кіравання крызіснымі сітуацыямі МНС дзяржаў - членаў АДКБ, адпрацаваны падыходы да арганізацыі калектыўнага рэагавання на буйныя надзвычайныя сітуацыі тэхнагеннага і прыроднага характару, парадак прыняцця рашэнняў на прымяненне ў гэтых мэтах калектыўных сіл.

Мікалай Бардзюжа абазначыў некаторыя прыярытэтныя напрамкі работы АДКБ. Сярод іх - развіццё ваеннага супрацоўніцтва і ўмацаванне сілавога патэнцыялу арганізацыі. "У гэтых мэтах падрыхтаваны і ўзгоднены план мерапрыемстваў па рэалізацыі асноўных напрамкаў развіцця ваеннага супрацоўніцтва да 2020 года, распрацаваны канкрэтныя прапановы па стварэнню калектыўных авіяцыйных сіл АДКБ, вызначаны падыходы да выкарыстання сіл спецыяльных аперацый", - сказаў генеральны сакратар АДКБ.

"Безумоўна, прыярытэтным напрамкам работы АДКБ з`яўляецца праблематыка Афганістана, паслядоўна рэалізуецца план мерапрыемстваў па процідзеянню выклікам і пагрозам, якія зыходзяць з тэрыторыі гэтай краіны", - дадаў Мікалай Бардзюжа.

Важнейшымі задачамі АДКБ на 2014 год з`яўляюцца таксама ўмацаванне механізму супрацоўніцтва ў мэтах забеспячэння бяспекі на знешніх граніцах, удасканаленне сумеснай аператыўна-баявой падрыхтоўкі, прадаўжэнне сумеснай работы па барацьбе з сучаснымі выклікамі і пагрозамі, нарошчванне знешнепалітычнай каардынацыі дзяржаў - членаў арганізацыі.

У Санкт-Пецярбургу 27-29 лістапада праходзяць пасяджэнні Міжпарламенцкай асамблеі дзяржаў - удзельніц СНД, Парламенцкай асамблеі Арганізацыі Дагавора аб калектыўнай бяспецы і Міжпарламенцкай асамблеі Еўразійскага эканамічнага супольніцтва, у якіх прымае ўдзел дэлегацыя Нацыянальнага сходу Беларусі.

28 лістапада 2013, Санкт-Пецярбург
БЕЛТА