"Беларусь часта папракаюць у адсутнасці свабоды слова. Увогуле ў гэтым смешна сёння папракаць са з`яўленнем Інтэрнэту. Звычайна аб гэтым гавораць крывадушныя людзі. Самі яны добра разумеюць, што няма ў свеце абсалютнай свабоды. Той, хто не залежны ад урада, залежны ад уласніка выдання, ад рэкламадаўцаў, ад капрызаў публікі, урэшце рэшт, ад памылак, эмоцый і памылковых думак уласных журналістаў", - сказаў кіраўнік дзяржавы.

Аляксандр Лукашэнка лічыць, што ўніверсальнай формулы, якая забяспечвала б аб`ектыўнасць прэсы, не існуе. "І нават у краінах, якія сёння ганарацца шматвяковымі традыцыямі свабоды слова, перыядычна ўспыхваюць скандалы, якія паказваюць адваротны бок многіх сучасных масмедыя, - адзначыў Прэзідэнт. - Пастаянна ўсплываюць факты падтасоўкі інфармацыі, незаконных праслушак, заказных публікацый, маніпуліравання грамадскай думкай з боку глабальных медыякарпарацый".

На думку кіраўніка дзяржавы, новая электронная эра яшчэ больш абвастрыла ўсе гэтыя праблемы. "Даўшы чалавецтву небывалыя дагэтуль магчымасці імгненнага абмену інфармацыяй, яна ж адначасова рэзка знізіла планку якасці журналістыкі, ды і адказнасці саміх журналістаў", - сказаў Прэзідэнт. Паводле яго слоў, самі спажыўцы інфармацыі, якія спачатку знаходзіліся ў захапленні ад свабоднага электроннага патоку, сёння ўсё часцей знаходзяцца ў недаўменні. "Калі раней газета адказвала за свае словы, правярала факты і падтрымлівала нейкую мінімальную планку добрасумленнасці, то сёння зусім не ясна, каму верыць, як правесці мяжу паміж фактам і чуткамі і што рабіць з яркай і кідкай інфармацыяй, якая ўжо заўтра акажацца звычайнай вуткай, пустой балбатнёй або правакацыяй. І нават не заўтра, а праз паўгадзіны", - сказаў кіраўнік дзяржавы.

"Як ні дзіўна, у гэтай з`яве ёсць і станоўчы бок. Расчараванне ў нізкапробным інфармацыйным патоку будзе нарастаць. Адпаведна будзе павялічвацца попыт на якасную, разумную і дакладную журналістыку", - лічыць Аляксандр Лукашэнка.

На думку Прэзідэнта, няма вялікай праблемы і ў тым, што з каласальным ростам папулярнасці Інтэрнэту ў крызісе могуць аказацца друкаваныя выданні. Кіраўнік дзяржавы адзначыў, што многія такія выданні асвоілі выпуск электронных версій і паспяхова канкурыруюць у інтэрнэт-прасторы. "Гэта яшчэ раз пацвярджае просты факт: у аснове ўсяго застаецца жывое слова. Так было заўсёды ў гісторыі чалавецтва і, напэўна, так будзе і ў далейшым. Слова і думка даносіліся рознымі тэхнічнымі спосабамі - ад старажытнага папірусу да сучаснай камп`ютарнай сеткі, - але галоўнымі ўсё роўна заставаліся сэнс і змест", - сказаў Прэзідэнт.

Аляксандр Лукашэнка падкрэсліў, што таму дачасна гаварыць аб адміранні прафесіі журналіста, выдаўца і рэдактара. "Дзякуючы Інтэрнэту тэхнічна кожны можа стаць "журналістам" і вяшчаць аб чым заўгодна. Але гэта зусім не значыць, што кожнаму гарантаваны ўвага чытачоў, поспех і прызнанне. Майстэрства, нягледзячы на любыя тэхнічныя навацыі, па-ранейшаму застаецца рэдкасцю. Па-ранейшаму сапраўдныя таленавітыя тэксты здабываюцца працай, вышэйшым напружаннем розуму і волі. Таму будучыня прэсы, будучыня СМІ ўсё роўна застанецца за такімі людзьмі, як вы, - таленавітымі, сумленнымі і адданымі сваёй справе", - сказаў кіраўнік дзяржавы, звяртаючыся да ўдзельнікаў кангрэса.

20 чэрвеня 2013, Мінск
Таццяна Паляжай - БЕЛТА