Як паведамілі ў прэс-службе АДКБ, пасяджэнне СКБ пройдзе ў тры этапы: у вузкім складзе, у вузкім складзе з удзелам міністраў абароны і ў фармаце пленарнага пасяджэння.

Будуць абмяркоўвацца тэндэнцыі міжнароднага становішча і меры па ўдасканаленні сістэмы калектыўнай бяспекі, развіццё ваеннай складальнай АДКБ да 2020 года, асноўныя кірункі развіцця сістэмы калектыўнага рэагавання на надзвычайныя сітуацыі, прагноз развіцця становішча ў Афганістане на сярэднетэрміновую перспектыву да 2015 года, а таксама будзе разгледжана пытанне аб звароце Рэспублікі Узбекістан аб прыпыненні ўдзелу ў дзейнасці АДКБ. Сакратарыят АДКБ атрымаў ад узбекскага боку адпаведную ноту ў чэрвені гэтага года.

Будзе заслухана інфармацыя генеральнага сакратара АДКБ аб ходзе выканання рашэнняў снежаньскай (2011 года) сесіі СКБ і рэалізацыі прыярытэтных кірункаў дзейнасці АДКБ у перыяд старшынства Казахстана ў арганізацыі ў 2012 годзе.

Кіргізскі бок, да якога пераходзіць старшынства ў Арганізацыі, заявіць аб прыярытэтных кірунках дзейнасці АДКБ у 2013 годзе. Па гэтым пытанні на пленарным пасяджэнні плануецца выступленне прэзідэнта Алмазбека Атамбаева.

Усяго на парадку дня пасяджэння Савета калектыўнай бяспекі АДКБ прыкладна 20 пытанняў.

Вячаслаў Будкевіч, БелаПАН
Мінск, 11 снежня 2012