У кулуарах саміту лідары Беларусі і Сербіі "на нагах", як гэта звычайна адбываецца ў час маштабных форумаў, правялі невялікую сустрэчу. Аляксандр Вучыч падзяліўся з беларускімі журналістамі некаторымі падрабязнасцямі размовы.

"Мы абмеркавалі нашы двухбаковыя адносіны. Я сказаў яму, што спадзяюся, што мы зможам арганізаваць яго візіт у Сербію ў наступным годзе. У нас праз 15-16 дзён пройдуць выбары, і пасля іх, у наступным годзе, я спадзяюся, мы зможам запрасіць яго і абмеркаваць усе асноўныя пытанні двухбаковага парадку дня", - расказаў Прэзідэнт Сербіі.

Аляксандр Лукашэнка ў лістападзе назначыў новага пасла Беларусі ў Сербіі. Гаворачы аб супрацоўніцтве паміж краінамі і рабоце беларускай дыпмісіі, Прэзідэнт адзначыў, што сітуацыю трэба сур`ёзна вывучыць. "Трэба разабрацца ў той палітыцы, якую Сербія праводзіць і жадае праводзіць у адносінах да Беларусі, - падкрэсліў Аляксандр Лукашэнка. - Калі яны хочуць (супрацоўнічаць з Беларуссю.), значыць, павінен быць вынік у гандлёва-эканамічных адносінах. Калі яны хочуць віляць хвастом, груба кажучы, і падтрымліваць еўрапейска-амерыканскія санкцыі супраць Беларусі, гэта іх работа, няхай вызначаюцца і падтрымліваюць, калі яны забылі тое дабро, з якім мы ішлі да іх".

1 снежня 2023, Дубай
БЕЛТА