Аб гэтым паведамілі ва ўпраўленні інфармацыі і грамадскіх сувязей міліцэйскага ведамства.
Супрацоўнікі галоўнага ўпраўлення па барацьбе з арганізаванай злачыннасцю і карупцыяй МУС Беларусі перакрылі чарговы канал пастаўкі ў краіну наркотыкаў. У кур`ера сышчыкі канфіскавалі найбуйнейшую сёлета партыю гераіну — больш чым кілаграм.
Кур`ер, жыхар Мінска, быў затрыманы пры ўездзе ў Беларусь з Літвы ў пункце пропуску "Каменны Лог". Наркотык ён перавозіў у машыне "Форд Сімакс". Знайшлі гераін супрацоўнікі Ашмянскай мытні.
У дачыненні да кур`ера распачатыя крымінальныя справы за кантрабанду і незаконны абарот наркотыкаў.
Вячаслаў Будкевіч,
БелаПАНМінск, 3 кастрычніка 2012
