Увайшло ў сілу інтэрлайн-пагадненне паміж нацыянальнай авіякампаніяй "Белавія" і "Уральскімі авіялініямі".
Паводле інфармацыі прэс-службы "Белавія", інтэрлайн-пагадненне дае права афармляць авіяперавозку на бланках авіякампаніі на маршруты авіякампаніі-партнёра.
Перавагамі для пасажыра з`яўляюцца: афармленне адзінага білета на ўсім маршруце, незалежна ад колькасці перавозчыкаў; магчымасць скарыстацца найбольш зручнымі стыкоўкамі з рэйсамі авіякампаній — удзельнікаў пагадненняў.
Дзякуючы гэтаму пагадненню, пасажыры НАК "Белавія" атрымалі магчымасць лятаць з Мінска цераз Екацярынбург па асноўных напрамках авіякампаніі-партнёра "Уральскія авіялініі": Уладзівасток, Краснадар, Геленджык, Пекін.
З 18 чэрвеня 2012 года з "Уральскімі авіялініямі" увойдзе ў сілу код-шэрынгавае пагадненне, якое прадугледжвае сумесную эксплуатацыю рэйса Мінск — Екацярынбург.
Аляксей Арэшка,
БелаПАНМінск, 2 чэрвеня 2012
