Па штабе Чарнаморскага флоту ў Севастопалі нанесены ракетны ўдар, пра гэта паведаміў губернатар Міхаіл Разважаеў.

Па яго словах, на месца здарэння выехалі ўсе аператыўныя службы. Інфармацыя аб пацярпелых удакладняецца.

"Па штабе флоту ворагі нанеслі ракетны ўдар. Каля тэатра Луначарскага ўпаў асколак. Вялікая просьба пры выяўленні падобных элементаў – не падыходзіць і тэлефанаваць у 112", - напісаў губернатар у сваім Telegram-канале.

Разважаеў заявіў таксама, што магчыма яшчэ адна атака і папрасіў жыхароў па магчымасці не ездзіць у цэнтр горада і не выходзіць з будынкаў.

У сваю чаргу ў Мінабароны РФ праінфармавалі, што СПА збіла пяць ракет падчас адбіцця атакі.

Падчас ракетнага ўдару, які нанёс кіеўскі рэжым па Севастопалі, адзін расійскі вайсковец знік без вестак, паведамляе РІА Навіны са спасылкай на расійскае абароннае ведамства.

УСУ рэгулярна прадпрымаюць спробы абстрэлу і атак з выкарыстаннем дронаў на Севастопаль і Крым. На паўвостраве зараз дзейнічае "жоўты" ўзровень тэрарыстычнай небяспекі.

У прыватнасці, у ноч на пятніцу расійскія сродкі супрацьпаветранай абароны збілі два беспілотнікі УСУ самалётнага тыпу недалёка ад узбярэжжа Крыма і ў Туапсінскім раёне Краснадарскага краю.

На мінулым тыдні ў Мінабароны паведамілі, што СПА Расіі знішчылі над Крымам 11 украінскіх беспілотнікаў.

Мінск, 22 верасня 2023
Sputnik