У бліжэйшы час адбудуцца размовы на польскую тэматыку, заявіў кіраўнік дзяржавы журналістам пасля нарады ў БДУ.
Паводле яго слоў, беларуская тэматыка на слыху ў Польшчы, таму што тамтэйшым палітыкам патрэбны знешні вораг у асобе Беларусі і Расіі. Палякі павінны разумець, што прычына толькі ў гэтым.
Аляксандр Лукашэнка лічыць, што ў Польшчы запатрабавана "беларускае пытанне" і палякі задаюць адпаведныя пытанні сваім палітыкам.
"На вуснах у палякаў "Беларусь, Беларусь, Беларусь": "Чаму мы ўляпаліся (палякі) туды, чаму гэтага, таго няма? І паліва дорага, і гэта… А ў беларусаў няма", - перадае яго словы БелТА.
Кіраўнік дзяржавы ўпэўнены, што "яны на гэтым кані беларускім хочуць ускочыць у парламент і перамагчы". Гэтага ў іх не атрымаецца, бо беларускі бок усё палякам патлумачыць.
"У бліжэйшы час яшчэ павялічым гэтыя размовы на польскую тэму. Будзем ім гаварыць праўду. Ды і палякі бачаць самі", - упэўнены ён.
Плот для ідыётаў
Раней стала вядома, што кіруючая польская партыя "Права і справядлівасць" збіраецца правесці рэферэндум, дзе будзе пытанне аб тым ці патрэбны плот на мяжы з Беларуссю.
"На рэферэндум вынеслі пытанне. І не вынеслі "будаваць ці не будаваць", а "будзем зносіць ці не". Слухайце, я лічыў, што там ва ўладзе разумныя людзі", - падкрэсліў Аляксандр Лукашэнка.
На яго думку, задаваць такое пытанне на рэферэндуме не што іншае, як поўны ідыятызм.
"Яны што, палякаў за ідыётаў лічаць? Адразу палякі ацанілі гэты ўчынак", - сказаў беларускі лідар.
