Каля 70 тысяч чалавек удзельнічалі сёньня ў цэнтры Бялграду ў найбуйнейшым за апошнія гады мітынгу апазыцыі. Акцыя была арганізаваная Сэрбскай прагрэсіўнай партыяй. Маніфэстанты патрабавалі правядзеньня датэрміновых парлямэнцкіх выбараў, эфэктыўнай барацьбы з карупцыяй і галечай.
Лідэр партыі Таміслаў Ніколіч заявіў, калі ўрад не пагодзіцца правесьці выбары, ягоныя прыхільнікі ў красавіку пачнуць сэрыю масавых акцыяў пратэсту.
Празаходняя кіроўная кааліцыя абвінаваціла апазыцыю ў імкненьні выкарыстаць эканамічныя праблемы ў палітычных мэтах.
Радыё Свабода5 лютага 2011
