Самалёт Air Algerie, які сёння прапаў з радараў, упаў каля сталіцы Нігера - горада Ніямей, паведамляюць інфармагенцтвы.
Раней паведамлялася, што самалёт выконваў рэйс AH5017 з Уагадугу ў Алжыр. Сувязь з лайнерам была страчана праз 50 мінут пасля ўзлёту з аэрапорта ў сталіцы Буркіна-Фасо. Паводле непацверджаных даных, на борце самалёта A320 знаходзіліся 110 пасажыраў і шэсць членаў экіпажа.
Agence France-Presse цытуе крыніцу ў кампаніі Air Algeria: "Самалёт быў каля граніцы з Алжырам, калі экіпаж папрасіў змяніць курс з-за дрэннай бачнасці, каб пазбегнуць рызыкі сутыкнення з іншым самалётам, які ляцеў з Алжыра ў Бамако. Сувязь з авіялайнерам прапала пасля таго, як ён змяніў курс".
У Алжыры створаны крызісны цэнтр па расследаванні абставін трагедыі.
Авіялайнер A320 умяшчае да 135 пасажыраў. Рэйс AH5017 з Уагадугу ў Алжыр ён выконвае чатыры разы на тыдзень, час палёту - чатыры гадзіны.
24 ліпеня 2014, Мінск
БЕЛТА
