Віцэ-міністр замежных спраў Літвы Андрус Крывас 15 кастрычніка ўручыў Надзвычайнаму і Паўнамоцнаму Паслу Рэспублікі Беларусь у Літве Уладзіміру Дражыну запрашэнне для ўдзелу Беларусі ў саміце краін - удзельніц праграмы "Усходняе партнёрства".
Як паведамляе МЗС Літвы, запрашэнні сёння перададзены дыпламатам Арменіі, Азербайджана, Беларусі, Грузіі, Малдовы і Украіны.
Пісьмы падпісаны прэзідэнтам Літвы Далей Грыбаўскайтэ, прэзідэнтам Еўрасаюза Херманам ван Ромпёем і старшынёй Еўракамісіі Жазэ Мануэлам Барозу.
Саміт будзе праходзіць у Вільнюсе 28-29 лістапада бягучага года.
15 кастрычніка 2013, Вільнюс
Алена Юркявічэне -
БЕЛТА
