Раней гэты фільм перамог на кінафэстывалі ў Ерэване, атрымаў гран-пры кінафэствалю імя Таркоўскага «Люстэрка» у Іванаве, і ўзнагароду кінакрытыкаў  на фэстывалі ў Канах.

Сам рэжысэр Сяргей Лазьніца назваў гэты фільм драмай «пра чалавека, які спрабуе зрабіць маральны выбар у амаральных абставінах». Галоўнага героя, пуцявога абходчыка Сушчэню, якога вінавацяць у супрацоўніцтве з акупантамі, грае беларускі актор Уладзімір Сьвірскі.

У здымачнай групе працавалі беларусы, латышы, літоўцы, немцы, расейцы, палякі, румыны, чэхі. Бюджэт фільму — прыкладна 2 мільёны эўра.

Карціну зьнялі за 28 дзён у Латвіі. Гэта міжнародны кінапраект, яго ўдзельнікі — «Беларусьфільм», MA.JA.DE Fiction (Нямеччына), кінакампанія «Джы Пі» (Расея), Rija Films (Латвія), Lemming Film (Нідэрлянды), Фонд падтрымкі эўрапейскага кіно EURIMAGES.

Сяргей Лазьніца нарадзіўся ў Баранавічах, вучыўся ў Кіеве, працаваў у Маскве, 10 гадоў таму эміграваў у Нямеччыну. Цяпер жыве ў Бэрліне.

Радыё Свабода, 22 ліпеня 2012