У Іерусаліме ў касцёле «Pater noster», дзе на сценах храма знаходзяцца табліцы з тэкстам малітвы «Ойча наш» на шматлікіх мовах свету, сёлета была ўсталявана табліца з малітвай і на беларускай мове.

Урачыстае адкрыццё яе запланавана менавіта на сёння, 25 кастрычніка.

З гэтай нагоды на мерапрыемства ў Іерусалім накіраваліся прадстаўнікі беларускай каталіцкай царквы і паломнікі з нашай краіны.

Безумоўна, гэта значная падзея не толькі ў рэлігійным, але і ў агульнанацыянальным сэнсе і своеасаблівае прызнанне культуры нашага народа з душой прыгожай, далікатнай, глыбокай...

Рэспубліка, 25 кастрычніка 2011