Па дадзеных заходніх разведслужб, Іран не купляў расійскія зенітныя ракетныя комплексы С-300 у Беларусі ці якой-небудзь іншай краіны, паведамляе 9 жніўня ізраільская Jerusalem Post.
Раней іранскае інфармагенцтва Tehera паведаміла, што Тэгеран набыў дзве сістэмы С-300 у Беларусі і дзве — у іншай дзяржавы.
Дзяржаўны ваенна-прамысловы камітэт Беларусі абверг інфармацыю аб продажы ў Іран двух зенітных ракетных комплексаў С-300. Як паведаміў прадстаўнік Дзяржкамвайскпраму па інфармацыі і сувязях з грамадскасцю Уладзімір Лаўранюк, з Тэгеранам беларускі бок не вёў перамоваў па дадзенай тэматыцы і не пастаўляў у Іран ні комплексы С-300, ні іх кампаненты.
Лаўранюк заявіў, што Беларусь няўхільна выконвае свае абавязацельствы ў сферы экспартнага кантролю.
У 2007 годзе Іран і Расія падпісалі кантракт на пастаўку ракетных комплексаў С-300, аднак пагадненне да гэтага часу не адбылося праз рашучыя пратэсты Ізраіля і ЗША, якія асцерагаюцца узмацнення іранскай вайсковай сілы і. Між тым, па дадзеных расійскіх уладаў, гэты кантракт не быў скасаваны.
ААН наклала на Тэгеран фінансавыя санкцыі ў адказ на адмову спыніць узбагачэнне ўрану. Іранскія ўлады настойваюць на мірным характары сваёй ядзернай праграмы і супрацоўнічаюць з МАГАТЭ.
БелаПАН 9 жнiўня 2010
