Паводле звестак спецыялістаў, да дзвюх трацін усіх палёў у свеце, якія арашаюцца, звязаны з воднымі рэсурсамі з горных раёнаў. У краінах, якія развіваюцца да паловы жыхароў такіх рэгіёнаў ужо сутыкаюцца з недахопам харчавання. У бліжэйшы час сітуацыя будзе толькі пагаршацца.

Па словах навукоўцаў, замест снега зараз часцей ідуць дажджы. Вада хутка сцякае ўніз, не затрымліваючыся ў глебе. Як вынік, узмацняюцца засухі, пачашчаюцца лавіны, адталыя воды могуць выклікаць паводкі. Акрамя таго, раставанне агаляе цёмную зямлю, якая мацней паглынае сонечнае цяпло і паскарае глабальнае пацяпленне. Акрамя гэтага, з расталага вечнамерзлага грунта вылучаецца моцны парніковы газ метан.

Спецыялісты лічаць, што неабходна тэрмінова падтрымліваць горныя рэгіёны, дзе засяроджаны жыццёва важныя запасы прэснай вады. Без такой дапамогі наступствы раставання леднікоў могуць абярнуцца маштабным крызісам.

Звязда, 22 сакавіка 2025