Лось, які заблытаўся ў калючым дроце, загінуў на мяжы з Літвой, паведамілі ў панядзелак у прэс-службе Дзяржаўнага памежнага камітэта Беларусі.
Паводле інфармацыі ведамства, загінулую жывёлу знайшлі 10 траўня ў Астравецкім раёне смаргонскія пагранічнікі.
"Сістэма відэаназірання пагранзаставы зафіксавала, як жывёла, якая накіроўвалася з Літвы ў Беларусь, заблыталася ў еўрапейскай небяспечнай загародзе", - сказалі ў ДПК.
У камітэце ўдакладнілі, што пагранічны нарад, які прыбыў да месца, знайшоў лася, які ўжо памёр ад страты крыві.
Паводле звестак ДПК, з верасня 2021 года беларускім бокам было зафіксавана ўжо 52 выпадкі гібелі жывёл, якія сталі ахвярамі пагранічных загарод, узведзеных Літвой, Латвіяй і Польшчай.
У апошні раз такое адбылося 25 студзеня бягучага года ў Ашмянскім раёне – лось, які накіроўваўся з Беларусі ў Літву, заблытаўся ў драцяной загародзе і пасля загінуў.
