"Апоўдні 16 лістапада сітуацыя паблізу часовага размяшчэння бежанцаў у пункце пропуску "Брузгі" каля граніцы абвастрылася. Некаторыя мужчыны з ліку іншаземцаў, даведзеныя да адчаю ад невыносных умоў, у якіх знаходзіліся яны самі і іх сем`і апошнія суткі, зрабілі спробу прарвацца на тэрыторыю Польшчы. Для гэтага яны накіраваліся да загарод і паспрабавалі іх дэманціраваць, - адзначыў ён. - Фактычна агароджа знаходзіцца на польскай тэрыторыі, таму беларускія пагранічнікі не маюць законнага права набліжацца да яе. Каб адцясніць мігрантаў, польскі бок прымяніў слёзатачывы газ. Гэта яшчэ больш раззлавала бежанцаў, якія прыняліся закідваць сілавікоў камянямі, палкамі, усім, што траплялася пад руку ў крытычны момант, у тым ліку і абуткам. У адказ польскі бок накіраваў на няўзброеных бежанцаў струмені вадамёта і прымяніў святлошумавыя гранаты. Прычым ледзяная вада і раз`ядаючы вочы газ трапіў на ўсіх, хто знаходзіўся на подступах да граніцы, у тым ліку на жанчын і дзяцей. Знаходзіцца ў мокрым адзенні пры лістападаўскай тэмпературы, блізкай да нуля, і без таго замярзаючым і знясіленым людзям - гэта рэальная пагроза іх жыццю".

Усю моц польскага адпору зведалі і журналісты, якія асвятляюць сітуацыю на месцы падзей на беларускай тэрыторыі.

"Сілавікі Польшчы палічылі за лепшае не заўважаць прыкметную экіпіроўку прадстаўнікоў СМІ і таксама накіроўвалі ў іх струмені вадкасці, якая раз`ядала вочы", - дадалі ў ДПК.

Такое прымяненне польскімі сілавікамі спецсродкаў і боепрыпасаў у адносінах да няўзброеных людзей на беларускім баку зафіксавана.

"Гэта расцэньваецца не інакш як насільныя дзеянні ў адносінах да асоб, якія знаходзяцца на тэрыторыі іншай краіны. Беларускі бок ініцыюе расследаванне гэтага інцыдэнту", - расказаў Антон Бычкоўскі.

16 лістапада 2021, Мінск
БЕЛТА