"Мы заўсёды настроены на адкрытае, актыўнае, зацікаўленае супрацоўніцтва з Парламенцкай асамблеяй АБСЕ, як, зрэшты, і з парламенцкімі структурамі іншых міжнародных арганізацый. Гэта альфа і амега нашай парламенцкай палітыкі. Мы гатовы абмяркоўваць пытанні, якія ўяўляюць сумесны інтарэс, і выступаць актыўным партнёрам па міжнародным дыялогу з нашымі калегамі. Мы таксама будзем прыкладаць намаганні для ўстанаўлення кантакту праз ПА АБСЕ з дзяржавамі-членамі на ўзроўні двухбаковых сувязей", - сказаў Андрэй Савіных.

Парламентарый адзначыў, што гэта планавае пасяджэнне Пастаяннага камітэта Парламенцкай асамблеі АБСЕ. "Таму на парадку дня будзе абмяркоўвацца правіла працэдуры, якое сёння мадэрнізуецца для ПА АБСЕ. Мы таксама заслухаем даклад казначэя аб расходаванні рэсурсаў і абмяркуем даклад старшыні ПА АБСЕ аб сітуацыі ў рэгіёне АБСЕ. Упэўнены, што дэлегацыі абмяняюцца думкамі па ўсіх актуальных пытаннях, якія ўяўляюць узаемны інтарэс", - падкрэсліў ён.

Андрэй Савіных дадаў: таксама вынесена на абмеркаванне сітуацыя з прадуктамі харчавання ў свеце. "З дакладам выступіў выканаўчы дырэктар Сусветнай харчовай праграмы ААН Дэвід Біслі, ён ахарактарызаваў сітуацыю з харчаваннем у свеце як вельмі крытычную. Асабіста мяне ўразілі лічбы, што сёння колькасць людзей, якія галадаюць, павялічылася з 80 млн да 130 млн літаральна за некалькі гадоў. 17-18 краін маюць рэальныя праблемы з харчаваннем. Гэта тая сітуацыя, з якой мы сутыкаемся на ўзроўні сусветнай супольнасці", - канстатаваў ён.

12 лістапада 2020, Мінск
БЕЛТА