Пакараць смерцю жанчыну Лізу Мантгомеры запланавана з дапамогай смяротнай ін`екцыі 8 снежня 2020 года ў папраўчай калоніі Тэры-Хот у Індзіане.

Таксама паведамляецца, што на 10 снежня прызначана пакаранне смерцю Брэндона Бернарда, які разам з саўдзельнікамі забіў двух чалавек у 1999 годзе. Гэта будзе восьмае і дзевятае смяротнае пакаранне ў ЗША пасля адмены 17-гадовага мараторыя.

Асуджаная Ліза Мантгомеры з Канзаса ў снежні 2004 года паехала да цяжарнай жанчыне Бобі Джо Сінет у Місуры для таго, каб нібыта набыць шчанюка. Замест гэтага Мантгомеры напала на Сінет, якая была на 8-м месяцы цяжарнасці.

Жанчына страціла прытомнасць, а ў гэты момант Мантгомеры разрэзала ёй жывот і забрала дзіця. Бобі Джо Сінет прыйшла ў сябе, і тады нападаючая забіла яе.

Спачатку Мантгомеры спрабавала выдаваць выкрадзенага дзіцяці за свайго. Але пасля прызналася ў забойстве і выкраданні.

У кастрычніку 2007 года суд прызнаў яе вінаватай у наўмысным забойстве і выкраданні і прызначыў смяротны прысуд. Апеляцыйныя скаргі жанчыны не задавальнялі.

Да гэтага апошняй жанчынай, якую пакаралі смерцю ў ЗША, была Боне Хідзі. Яна памерла ў газавай камэры ў 1953 годзе.

Звязда, 17 кастрычніка 2020