Беларусь стане паўнапраўным членам Шанхайскай арганізацыі супрацоўніцтва пасля саміту ў Астане, які адбудзецца 3-4 ліпеня, паведаміў на прэс-канферэнцыі міністр замежных справаў РФ Сяргей Лаўроў.
"З ліпеньскага саміту Беларусь стане паўнапраўным членам ШАС, і прэзідэнт Лукашэнка будзе ўдзельнічаць ва ўсіх мерапрыемствах саміту ў Астане, без якога-небудзь выключэння", - сказаў ён.
Паводле слоў Лаўрова, кіраўнік беларускага МЗС Сяргей Алейнік прысутнічаў на дыскусіі СМЗС, выступіў, падзякаваўшы ўсім за актыўную падтрымку далучэння Мінска да ШАС.
Ён таксама адзначыў, што ў арганізацыі цяпер два назіральнікі і 14 партнёраў, а яшчэ дзве краіны нядаўна звярнуліся па статус партнёра – гэта Лаос і Алжыр.
ШАС – міжнародная арганізацыя, якая была заснавана ў 2001 годзе, у яе ўваходзяць Іран, Індыя, Кітай, Казахстан, Кыргызстан, Расія, Пакістан, Таджыкістан і Узбекістан. Краінамі-назіральнікамі з’яўляюцца Афганістан, Беларусь і Манголія, партнёрамі – Арменія, Азербайджан, Непал, Камбоджа, Турцыя, ААЭ і Шры-Ланка.
У ліпені 2023 года на саміце ШАС у Нью-Дэлі Беларусь падпісала мемарандум аб абавязацельствах для атрымання статусу дзяржавы-члена ШАС. Чакаецца, што рэспубліка далучыцца да арганізацыі на саміце ў Астане.
