Прэс-сакратар гарадскога паліцэйскага кіравання Мікаэла Росман заявіла, што гарачая паверхня можа прадстаўляць сур`ёзную пагрозу і прывесці да траўмаў сабак, якія вымушаныя доўгі час хадзіць па вуліцы. Звычайна лапы жывёл прыстасаваныя да высокіх тэмператур, аднак трыццаціградусная спякота, якая ўсталявалася ў Вене, прагравае асфальт да пяцідзесяці градусаў, і гэта прыводзіць да апёкаў лап.

Спецыяльна распрацаваны абутак для сабак таксама будзе карысны для працы на пажарах і абароны ад вострых прадметаў на зямлі.

Канчатковае рашэнне аб тым, абуваць жывёл ці не, застаецца за паліцэйскімі.

Прэс-сакратар адзначыла, што на турніры па валейболе, які праходзіць з 1 па 5 жніўня, для сабак таксама будуць абсталяваны прахалодныя камеры з кандыцыянерамі.

Звязда, 4 жніўня 2018