Што датычыцца магчымага выхаду Украіны з СНД, Сяргей Лебедзеў адзначыў, што ніякіх зваротаў у адрас Выканкама СНД і яго кіраўніцтва наконт гэтага не паступала. Больш таго, паводле яго слоў, прадстаўнікі Украіны прадаўжаюць удзельнічаць у пасяджэннях камісіі па эканамічных пытаннях у Маскве. «Мы накіроўваем усе дакументы, якія прымаюцца ў рамках СНД, ва Украіну і вельмі спадзяёмся, што пасля дасягнення міру і згоды ў гэтай краіне Украіна прадоўжыць інтэграцыйнае супрацоўніцтва», — падкрэсліў ён.

Сяргей Лебедзеў таксама дадаў, што «афіцыйна Украіна ніколі не заяўляла аб сваім выхадзе з СНД». «Былі асобныя заявы палітыкаў», — сказаў ён.

Звязда, 12 жніўня 2014