Украіна выходзіць з пагаднення СНД аб савеце камандуючых пагранвойскамі, адпаведны ўказ падпісаў прэзідэнт Уладзімір Зяленскі.

Савет камандуючых пагранвойскамі СНД быў створаны больш за 30 гадоў таму, дакумент аб гэтым быў падпісаны ў Маскве краінамі-удзельніцамі Садружнасці. Сярод іх пагадненне падпісала і Украіна.

"Пастанаўляю выйсці з рашэння аб стварэнні Савета камандуючых пагранічнымі войскамі, заключанага 6 ліпеня 1992 года ў Маскве", - гаворыцца ва ўказе, апублікаваным на сайце офіса Зяленскага.

Украінскаму МЗС даручана паведаміць Выканкаму СНД аб гэтым рашэнні.

Нагадаем, у апошні час у сувязі з расійскай спецаперацыяй Кіеў рэгулярна заяўляе аб выхадзе з шэрага міжнародных пагадненняў СНД, а таксама заключаных раней з РФ і Беларуссю.

Савет камандуючых пагранвойскамі (СКПВ) з’яўляецца адным з ключавых статутных органаў СНД, праз якія ідзе работа ў Садружнасці.

Сярод гэтых статутных органаў – Саветы кіраўнікоў дзяржаў, кіраўнікоў урадаў, міністраў замежных спраў, міністраў абароны.

У 1992 годзе пагадненне аб СКПВ СНД падпісалі Арменія, Беларусь, Грузія, Казахстан, Кыргызстан, Малдова, Расія, Таджыкістан, Туркменістан, Узбекістан і Украіна. Азербайджан з’яўляецца членам СКПВ на правах назіральніка.

Савет камандуючых пагранічнымі войскамі займаецца пытаннямі аховы знешніх меж Садружнасці. У 2023 годзе прадстаўніком ад Беларусі ў Савеце камандуючых пагранвойскамі СНД быў назначаны былы кіраўнік ДПК Беларусі Анатоль Лапо.

Мінск, 3 студзеня 2024
Sputnik